يا بلدي
بيقولو عنك بهيه
وورده منديه
يا سميحه وحليمه وسنيه
يا ست الكل يا كريمه
يا سمره
ياام العيون خضره
والميه والخضره
مالك كده يا مه
شايف عالخدود دمعه
زعلانه ليه منهم
وبتحملي همومهم
****
متشغليش بالك
دول مش ولادك
دول ولاد ..غيرك
بيكلوا من عيشك
وبينكروا خيرك
يا ما ولا يهمك
برضوا انا جملك
شايل على الكتاف حملك
لما تعوزينى .. قوليلى هنا أبرك
والله لغنيلك
وأمسح دموع عينك
يا ما انا ابنك
خديني على صدرك
راضع أنا لبنك
شايل أنا همك
بعشق تُرَاب أرضك
ولما أموت . موصى أبني
يدفني فى تُرَبك