سنين عُمرى
قضيتها فى الترحال
عمَّال أدوَّر
مش لاقى ولا موَّال
يتغنَّى ف عيونك ياسمره
والقلب فيه ميت ألف جمره
وفجأه
لمحت ف سمايا قَمرَه
تقولوا بدر واكتمل نوره؟
عمَّال بينشر فى الفضا زهوره
والشهد سايل من شفايفه الورد
وبلمسه منُّه لقيتنى طريح عالأرض
لاقادر أنطق بكلمه ولا إيدين تتمد
وكأن ساعة الزمن واقفه
ومش قادره تانى تعِد
وصحيت لاقيتها حاطَّه الإيدين عالخد
نطق لسانى بعد نظره
وكلمتين إتنين
جايبه العسل ده منين
نطقت وقالت هيَّا كمان سطرين
كلمة بحبَّك من نصيبك
وإنت عارف إنِّى أنا دايما بَريدك
وقررت أعيش طول عمرى جنبك
وبوعدك
مهما الزمان كان قلبه قاسى
مش هاسيبك
مضمنش مين هايرجَّعك
أو مين يجيبك