دا ماكانش العشم....

ماكانش العشم

يابو صوت نغم

تروح وتمشى

من قبل جرحى مايلتئم

وتسيب لى جفنى

سهران ولسه مابينامشى

وصوتك .......

مازلت انا بسمع صداه

من بداية مسمعى

لآآآآآخر مداه

ولمَّا بِوصل لمنتهاه

بتسرى منِّى ادمُعى

مع ألف آآآآآه

عايش كأنى ف تابوت

بين الحياه والموت

مستنى طيفك يفوت

مشتاق لورقة توت

تدب فيَّا الحياه

لثوانى او لحظات

أجهر بكلمة بحِبك

وب لا إله إلاَّ الله

وبعدها لو اموت